Институт резиденттерінің кеңесі өз жұмысын бастады

Бүгін Қазақ онкология институтында жас мамандардың ғылыми әлеуетін дамытуға және білім беру ортасын нығайтуға бағытталған жаңа консультативтік орган – Резиденттер кеңесінің бірінші отырысы өтті.

Кеңес жұмысының мақсаты – резиденттер зерттеу дағдыларын жүйелі түрде дамытатын, ғылыми жобаларға қатысатын және академиялық өзара іс-қимыл мәдениетін қалыптастыратын кәсіби алаң құру.

Кеңес қызметінің негізгі бағыттары:

• институттың ғылыми-зерттеу жобаларын іске асыруға қатысу;
• өзекті ғылыми жарияланымдарды талқылау және талдау;
• академиялық жазу, статистика және деректерді талдау бойынша құзыреттерді дамыту;
• қазіргі заманғы онкологтың базалық дағдысы ретінде сыни ойлауды қалыптастыру.

Отырыс қорытындысы бойынша бірауыздан:

• Резиденттер кеңесінің төрағасы — Қамытаев Ә. Ж., «Онкология (ересектер)» ББ, 1 курс резиденті;
• Кеңес хатшысы — Пак Л. А., «Онкология (ересектер)» ББ, 1 курс резиденті сайланды.

Резиденттер кеңесі жас мамандар мен институт арасындағы жаңа коммуникациялық көпірге айналып, бастамаларды жүзеге асырушы драйвер ретінде кадрларды даярлаудағы заманауи, инновациялық және үздіксіз тәсілді қамтамасыз етеді.