26 шілде, сенбі күні, еліміздің онкоорталықтары мен емханаларында саркомаға қарсы бағытталған бірыңғай Ашық есік күні өтеді.
Іс-шара саркома туралы хабардарлықты арттыру айы аясында және 2023–2027 жылдарға арналған онкологиялық аурулармен күрес жөніндегі кешенді жоспар аясында ұйымдастырылады. Мақсат — халықтың саркома туралы білімін арттыру, қауіп факторлары мен ерте анықтау мүмкіндіктері туралы түсіндіру.
Азаматтар бұл күні онколог дәрігерлерден кеңес алып, бастапқы тексеруден өтіп, тақырыпқа қатысты ақпараттық материалдар ала алады.
Қабылдау тұрғылықты жері бойынша онкоорталықтар мен емханаларда өтеді.
Күні: 2025 жылғы 26 шілде
Уақыты: 09:00–13:00
Мамандардың айтуынша, ерте диагностика — толық сауығуға мүмкіндік береді. Тексеруден өтіп, маңызды ақпарат алуға асығыңыз — қызметтер тегін әрі жолдамасыз көрсетіледі.
