23–24 қазанда Алматы қаласында Қазақ онкология және радиология ғылыми-зерттеу институтының 65 жылдығына арналған «KazONCO: Онкомаммология» халықаралық ғылыми-тәжірибелік форумы өтті. Іс-шараны Қазақ онкология институты Қазақстан Республикасы Денсаулық сақтау министрлігінің қолдауымен ұйымдастырды.
Форум жұмысына Қазақстан, Грузия, Өзбекстан, Сингапур, Қытай және АҚШ елдерінің 200-ден астам жетекші онкологтары, радиологтары, хирургтары мен зерттеушілері қатысты.
Талқылаудың негізгі тақырыбы — сүт безі обырының алдын алу, ерте диагностикалау және емдеудің заманауи тәсілдері болды. Сондай-ақ инновациялық визуализация әдістері, молекулалық-генетикалық тестілеу және жекелендірілген терапия стратегиялары қарастырылды.
Форум гибридті форматта өтті және Қазақстандағы онкологиялық тәжірибеге озық технологияларды енгізуге бағытталған халықаралық тәжірибе алмасудың негізгі алаңына айналды.
Іс-шара қорытындысы бойынша қатысушылар онкологиялық көмектің сапасын арттыру мақсатында ғылыми және клиникалық мекемелер арасындағы пәнаралық өзара іс-қимыл мен серіктестік байланыстарды нығайтудың маңыздылығын атап өтті.
Іс-шара қорытындысы бойынша қатысушыларға сертификаттар табысталды, сондай-ақ онкологиялық көмектің сапасын арттыру мақсатында ғылыми және клиникалық ұйымдар арасындағы пәнаралық өзара іс-қимылды және серіктестік байланыстарды нығайтудың маңыздылығы атап өтілді.
