Қазақ онкология және радиология ғылыми-зерттеу институтында институт ардагері, биология ғылымдарының докторы, жетекші ғылыми қызметкер, биохимия зертханасының меңгерушісі, отандық онкология және радиология ардагері Мақсұт Ғұмарұлы Ахтямовтың 90 жас мерейтойына арналған салтанатты іс-шара өтті.
Мақсұт Ғұмарұлы институттағы ғылыми және тәжірибелік қызметке 42 жыл арнады. Оның кәсіби жолы онкологиядағы биохимиялық зерттеулердің дамуымен және Қазақ онкология және радиология ғылыми-зерттеу институтының ғылыми әлеуетін нығайтумен тығыз байланысты. Жұмыс істеген жылдарында ол отандық ғылымның дамуына және институттың еліміздің жетекші салалық орталығы ретінде қалыптасуына елеулі үлес қосты.
Мерейтойлық құттықтауға қатысқандар:
- Институт басқарма төрағасының клиникалық жұмыстар жөніндегі орынбасарының міндетін атқарушы Нәлібаев Роман Әділбайұлы;
- Сүт безі ісіктері орталығының жетекшісі, медицина ғылымдарының докторы Әбдірахманова Әлия Жаңалыққызы;
- Институттың кәсіподақ комитетінің төрайымы Қанафиянова Құралай Ғазизқызы;
- Институт ардагері, медицина ғылымдарының докторы Әділбаев Ғалым Базенович;
- Институт ардагері, медицина ғылымдарының кандидаты Жұмашев Есен Замғалиұлы;
- Сәулелік диагностика дәрігері, медицина ғылымдарының кандидаты Құлтаев Асхат Сейітханұлы;
- Институт ардагері Әмірова Әлия Қайлашқызы, институт ардагерлер кеңесінің төрайымы, адам ресурстарын басқару бөлімінің маманы.
Іс-шараға қатысушылар мерейтой иесінің жоғары кәсібилігін, ғылымға деген адалдығын, ұстанымдылығын және институттың ғылыми дәстүрлерін қалыптастыруға қосқан үлесін атап өтті. Мақсұт Ғұмарұлына көп жылғы, адал еңбегі, тәлімгерлігі және қазақстандық онкология ғылымының дамуына қосқан үлесі үшін алғыс сөздер айтылды.
Институт басшылығы мен ұжымы мерейтой иесіне зор денсаулық, бақыт және ұзақ ғұмыр тілеп, ардагерлердің тәжірибесі мен ғылыми мұрасы еліміздің онкология қызметінің одан әрі дамуына маңызды тірек болып қалатынын атап өтті.
