Қуық қатерлі ісігінің неғұрлым ерте және клиникалық маңызды белгілерінің бірі ауырсыну синдромынсыз зәрде қанның пайда болуы (гематурия) болып табылады.
Бұл дегеніміз жарақаттан кейінгі жағдай және жіті қабыну белгілері туралы емес, кенеттен, түсіндірілмейтін кездейсоқ жағдай туралы екенін атап өту маңызды.
Маңызды: ауыртпалықсыз гематурияның бірінші жағдайында алғашқы жүгіну урологқа болуы тиіс, ол базалық тексеру жүргізеді және ісік үдерісі анықталған кезде пациентті онкологқа жібереді.
Бұл өте маңызды, өйткені қуық қатерлі ісігін емдеу құрама болып табылады және тек хирургиялық араласумен шектелмейді.
- Қуық қатерлі ісігінің 70%-ына дейін ерте кезеңде анықталады.
- Бұл ретте ауру қайталану қаупінің жоғары болуымен сипатталады:
пациенттердің 50%-на дейін беткей түрі емдеуден кейін бірінші жыл ішінде қайталануы мүмкін.
Сондықтан да пациенттер қадағалауды қажет етеді.
Бұл неге болып жатыр?
Ісік қуықтың шырышты қабығының жасушаларынан дамиды. Өсуіне қарай ол қан тамырларын зақымдап, зәрде қанның пайда болуына әкеледі.
Ерте кезеңде гематурия көбінесе аурудың жалғыз клиникалық көрінісі болып табылады.
Ықтимал қосымша белгілері
Бірқатар жағдайларда мыналар белгіленуі мүмкін::
- жиі несеп шығару;
- қуықтың толық босатылмауын сезу;
- күю немесе несеп шығару кезіндегі ыңғайсыздық;
- іштің төменгі жағында немесе бел бөлігінде ауырсыну.
Бұл ретте пациенттердің бір бөлігінде белгілер толығымен болмауы мүмкін және ауру тек тексеру кезінде ғана анықталады.
Қауіп факторлары
Негізгі қауіп факторларына мыналар жатады:
- темекі шегу (негізгі және дәлелденген қауіп факторы);
- химиялық заттармен кәсіби байланыс (анилинді бояғыштар, лак-бояу өнеркәсібі және т.б.);
- қуық қабынуының созылмалы аурулары;
- жас және тұқым қуалайтын бейімділік.
Диагностика
Диагнозды нақтылау үшін қолданылады:
- несептің жалпы талдауы;
- қуықтың ультрадыбыстық зерттеуі;
- цистоскопия — диагностиканың алтын стандарты, шырышты қабықты визуалды бағалауға және ісік өзгерістерін анықтауға мүмкіндік береді.
Емдеу тәсілдері
Емдеу тактикасы ісіктің сатысы мен биологиялық сипаттамаларына байланысты анықталады және мыналарды қамтиды:
- ісіктің транс-уретралды резекциялау (ТУР) – бұлшықетке инвазивті емес формалары үшін негізгі әдіс;
- инвазивті түрлері үшін – несеп жолдарын қалпына келтірумен радикалды хирургиялық емдеу;
- біріктірілген емдеудің міндетті элементтері: қуық ішіне химиотерапия немесе иммунотерапия (BCG),
ал қажет болған жағдайда — жүйелі дәрі-дәрмекпен емдеу.
«Қуық қатерлі ісігін емдеу бұл тек ісікпен күрес емес, сонымен қатар пациенттің өмір сүру сапасын сақтау стратегиясы», — деп атап өтті онколог-уролог Хусан Өмірзақов.
Дәрігердің ұсыныстары
Несепте қан пайда болған жағдайда, тексеруді кешіктіруге немесе белгілерді өз бетіңізбен түсіндіруге болмайды.
Ерте диагностикалау мүмкіндік береді:
- ауруды бастапқы сатыда анықтауға;
- ісіктің өршу қаупін азайтуға;
- тиімді емдеуді және рецидивтерді бақылауды қамтамасыз етуге.
Қуық қатерлі ісігі уақтылы анықталған жағдайда жақсы емделеді.
Бүгінгі симптомдарға назар аудару — болашақта денсаулықты сақтаудың негізі.
