Радиациялық онкология орталығы – онкологиялық көмек көрсетудің толық циклін қамтитын жоғары технологиялық құрылым. Орталықта алғашқы консультация, кешенді диагностика, жеке жоспарлау, заманауи сәулелік терапияны жүргізу және кейінгі диспансерлік бақылау кезеңдері бірізді ұйымдастырылған. Мұндай жүйелі тәсіл пациенттерге көрсетілетін қызмет сапасын арттырып, емдеу үдерісінің тиімділігін қамтамасыз етеді.
Диагностикалық бағытта КТ, МРТ, ПЭТ/КТ, ультрадыбыстық және рентгенологиялық зерттеулер сияқты қазіргі заманғы визуализация әдістері қолданылады. Жоғары дәлдіктегі аппаратура нақты клиникалық көріністі айқындап, дербестендірілген емдеу жоспарын әзірлеуге негіз болады.
Орталық жұмысының негізгі бөлігі — сәулелік терапия. Жаңа буын желілік жеделдеткіштері ісік ошағына дәл әсер етуге, сау тіндердің зақымдалуын барынша азайтуға мүмкіндік береді. Клиникалық тәжірибеде 3D-CRT, IMRT, IGRT әдістері, сондай-ақ стереотакстық радиохирургия және радиотерапия (SRS/SBRT) кеңінен қолданылады. Бұл күрделі және қолжетімсіз орналасқан ісіктерді тиімді емдеуге жағдай жасайды.
Дамудың маңызды бағыты — бейімделген сәулелік терапия (Adaptive RT). Бұл технология пациент анатомиясындағы немесе ісік сипаттамаларындағы өзгерістерді ескере отырып, емдеу жоспарын түзетуге мүмкіндік береді. Нәтижесінде сәулелендіру дәлдігі артып, ықтимал асқынулар қаупі төмендейді.
Орталық қызметі көпсалалы тәсілге негізделген: радиотерапевтер, медициналық физиктер, радиологтар, химиотерапевтер және хирургтер бірлесіп оңтайлы ем тактикасын айқындайды. Мұндай модель халықаралық стандарттарға толық сәйкес келеді және жоғары клиникалық нәтижелерге қол жеткізуге мүмкіндік береді.
Орталық шетелдік клиникалармен және ғылыми ұйымдармен белсенді ынтымақтасып, халықаралық зерттеулерге қатысады және озық технологияларды енгізеді. Бұл оның радиациялық онкология саласындағы жетекші құрылымдардың бірі ретіндегі мәртебесін нығайтып, пациенттерге ғылыми негізделген заманауи емдеу әдістеріне қолжетімділікті қамтамасыз етеді.
Виктор Борисович Ким – орталықтың басшысы, профессор, медицина ғылымдарының докторы, 37 жылдық тәжірибесі бар радиациялық онколог.
Қазақстан, Ресей (Мәскеу, Санкт-Петербург), Латвия (Рига), Австрия (Вена), Германия (Берлин), Жапония (Токио), Оңтүстік Корея (Сеул), Чехия (Прага), Түркия (Стамбул), Бельгия (Гент) және Грузия (Тбилиси) ғылыми орталықтарында біліктілігін арттырудан өтті.
ESTRO (Еуропалық радиациялық онкологтар қоғамы), Ресей радиациялық онкологтар қауымдастығы, Қазақстан онкологтар және радиологтар қауымдастығының мүшесі. PhD докторанттарды және резиденттерді даярлауға белсенді қатысады, радиациялық онкология саласындағы ұлттық мектептің дамуына үлес қосуда.
Орталықтың мамандары:
- Алмабек Айгүл Тлеуханқызы — радиациялық онколог, PhD докторант
- Ибраимова Мария Алмасқызы — радиациялық онколог, Қоғамдық денсаулық магистрі (MPH)
- Мыңжасарова Шапағат Жалғасқызы — радиациялық онколог, PhD докторант
- Қуатжанова Камшат Қуатжановна — радиациялық онколог, PhD докторант
- Жасаралова Айнұр Асанқызы — радиациялық онколог, PhD докторант
- Исмет Жансила Искандеровна — радиациялық онколог
- Төлегенова Кенжегүл Төлегеновна — радиациялық онколог
