Қазақ онкология және радиология ғылыми-зерттеу институты қызметті бағалаудан сәтті өтіп, Пациенттердің сапасы мен қауіпсіздігінің ұлттық стандарттарына сәйкестігінің жоғары мәртебесін растады.
Аккредиттеу бағасы ұйым қызметінің барлық негізгі бағыттарын қамтыды: корпоративтік басқару, стратегиялық жоспарлау, халықпен жұмыс, кадрлық және материалдық ресурстар, дәрі-дәрмекпен қамтамасыз ету, пациенттердің қауіпсіздігі, емделу және пациенттерді күту сапасы. Институт жоғары санаттың Ұлттық сапа және қауіпсіздік стандарттарына сәйкестігін растады.
Аккредитация пациенттер мен әріптестердің сенімін нығайтудағы маңызды қадам, сондай-ақ медициналық көмектің жоғары деңгейі мен халықаралық сапа стандарттарына сәйкестігін растау болып табылады.
Жоғары санат беру Институттың ұлттық сапа стандарттарының қатаң талаптарына сәйкестігін, мамандардың жоғары кәсібилігін, қазіргі заманғы материалдық-техникалық базаның болуын және басқарудың жоғары тиімділігін растайды.
Қазақ онкология және радиология ғылыми-зерттеу институты диагностика мен емдеудің заманауи технологияларын белсенді енгізуде, ғылыми зерттеулерді дамытуда және елдегі онкологиялық көмек стандарттарын арттыруда. Мамандардың жоғары кәсібилігінің, үздіксіз дамуының және жетілдіруге ұмтылысының арқасында институт Қазақстанда онкологияны дамытуды қалыптастыратын және елдің халықаралық медициналық аренадағы ұстанымын нығайтатын жетекші орталық болып қала береді.
Ұлттық аккредитация — бұл тек беделді мәртебе ғана емес, сонымен қатар пациенттер мен медициналық қоғамдастық тарапынан шынайы сенім көрметкіші.
