Астана қаласында онкологиялық қызметтің 2022 жылғы 9 айдағы қызметінің қорытындысы бойынша «Онкологиялық аурулармен күрес жөніндегі Кешенді жоспар іс-шараларының Жол картасын іске асыру» тақырыбында онкологиялық аурулар жөніндегі үйлестіру кеңесі өтуде.
Үйлестіру кеңесінің жұмысына Қазақстан Республикасы Денсаулық сақтау министрлігі Медициналық көмекті ұйымдастыру департаменті директорының орынбасары Гүлнара Қасенқызы Жангарашева және «ҚазОжРҒЗИ» АҚ Басқарма Төрайымы м.ғ.д., ҚР ҰҒА академигі Диляра Радикқызы Қайдарова қатысуда.
«ҚазОжРҒЗИ» АҚ Басқарма төрайымының ғылыми-стратегиялық жұмыс жөніндегі орынбасары Оксана Владимировна Шатковская «2022 жылдың 9 айында онкологиялық аурулармен күрес жөніндегі Кешенді жоспардың іс-шараларын іске асыру» тақырыбында баяндама жасады. Сондай-ақ, Үйлестіру кеңесте өңірлік онкологиялық орталықтардың директорлары сөз сөйледі. Үйлестіру кеңесі халыққа онкологиялық көмек көрсетудегі өзекті мәселелер мен проблемаларды шешу жолдары талқылануда.
Қазіргі уақытта ҚР-да 202 966 онкологиялық пациент динамикалық бақылауда тұр (2021 жылғы 9 ай – 193 347 пациент, өсім 4,74 пайыз).
ҚР-дағы сырқаттанушылық пен өлім-жітім динамикасы: 9 айда сырқаттанушылық 29 010 жағдайды құрады. (9 ай. 2021 жылы 9 айындағы жағдай — 26 857 құрады, бұл 4,6%-ға өсті деген сөз). Оның ішінде 12 384 ер адам (42,7 пайыз) және 16 626 әйел адам (57,3 пайыз).
Онкологиялық аурулардан болатын өлім-жітім көрсеткіші 9666 жағдайды құрады (2021 жылдың 9 айында -10 222 жағдай, 8,5% – ға төмендеу).
Аурудың құрылымында жетекші орында: сүт безі обыры, өкпе обыры, колоректальды обыр, асқазан обыры, жатыр мойны обыры тұр.
Өлім құрылымында: өкпе обыры, асқазан обыры, колоректальды обыр, сүт безі обыры, ұйқы безі обыры көш бастап тұр.
Өңірлік деңгейде мамандандырылған көмекті 15 онкологиялық орталық және көпбейінді ауруханалардың 5 онкологиялық бөлімшесі (Жезқазған қ., Ақтөбе қ., Шымкент қ., Көкшетау қ., Петропавл қ.) көрсетеді.
Республикалық деңгейде мамандандырылған көмек Қазақ онкология және радиология ҒЗИ-да (ҚазОжРҒЗИ) және Ұлттық ғылыми онкологиялық орталықта (ҰҒО) көрсетіледі.