Бүгін Алексей Цой ҚазОРҒЗИ 60 жылдығына арналған «Қазақстандағы онкология. Өткені. Бүгіні. Ертеңі» тақырыбындағы халықаралық онлайн-конференцияны ресми ашты.
⠀
ҚР Денсаулық сақтау министрі Президент Әкімшілігі Басшысының бірінші орынбасары Дәурен Абаевтың конференция қатысушыларына үндеуін оқып берді, онда пациенттердің өмір сүру сапасы мен емдеу нәтижелерін жақсартуға бағытталған қатерлі ісіктерді диагностикалау мен емдеудің озық әдістерін енгізетін көне ғылыми институттың рөлі атап өтілді.
⠀
«Ол онкологиялық ауруға шалдыққандарды, мүгедектік пен өлім-жітімді азайту жөніндегі миссияны қолдауда сенімді негіз болады», — деп атап өтті А.Цой.
⠀
Халықаралық конференцияға қатысушылар қатерлі ісікті зерттеу бойынша ғылыми жаңалықтарды, обырды диагностикалаудың, хирургия мен терапияның заманауи медициналық технологияларын талқылады. Сондай-ақ, онкологиялық пациенттерге оңалту және паллиативтік көмек көрсету, скринингтік бағдарламалар мен онкологиялық пациенттерге көмекті дамыту перспективалары, COVID-19 пандемиясы жағдайында онкологиялық көмек көрсету мәселесі сөз болды.
⠀
Халықаралық конференцияға отандық онколог ғалымдар, Австралия, АҚШ, Испания, Швейцария, Германия, Түркия, Ресей, Грузия, Беларусь, Корея, Италия, Өзбекстан және басқа елдердің жетекші сарапшылары қатысты.
