Астанада «Онкологиялық аурулары бар науқастарды басқару, ерте диагностикалау және емдеуде алғашқы медициналық-әлеуметтік қызметтердің рөлі» тақырыбында конференция өтті.

2018 жылдың 26 қазанында АМСК бойынша ДДҰ-ның Жаһандық Конференциясы шеңберінде Астана қаласында «Онкологиялық аурулары бар науқастарды басқару, ерте диагностикалау және емдеуде алғашқы медициналық-әлеуметтік қызметтердің рөлі» тақырыбында сессия өтті.

Бұл іс-шара ҚазОжРҒЗИ ұжымымен ұйымдастырылды. Оның мақсаты скринингтік бағдарламалар кезінде алғашқы медициналық-әлеуметтік көмек қызметінің проблемаларын, ауруға уақытша жеңілдік беретін көмектің көрсетілуін қамтамасыз ету, жалпы тәжірибе дәрігерлерінің рөлін және күнделікті жұмысында диспансерлердің алдында тұрған проблемаларды көрсету болды.

Сессияға қатысуға және интерактивті пікірталас өткізуге Еуропалық Одақтың жалпы практика дәрігерлерінің профессоры Др.Жак де Халлер, Тбилиси Мемлекеттік Медицина университетінің вице – ректоры Иракли Кохрейдзе шақырылды.

Др.де Халлер өзінің баяндамасында жалпы тәжірибе дәрігерлерінің мәселелері туралы, ең алдымен онкологиялық аурулардың алдын алу саласындағы проблемалары жайлы, онкологиялық науқастарға амбулаториялық ем көрсету мәселелері және обырдың ерте симптомдары бойынша ЖТД-ны үздіксіз оқыту қажеттілігін, онкологиялық ауруларды емдеу саласындағы салауатты өмір салтын насихаттауда ЖТД-ның маңыздылығын сызып көрсетті. Бұдан басқа, онкологиялық емдеудің экономикалық мәселелері, дәрілік заттардың қымбаттауы және медициналық рәсімдер, сондай-ақ науқастарға түсіндіруде және көмек көрсетуде жалпы практика дәрігерінің рөлі талқыланды.

Профессор Кохреидзе аудиториямен интерактивті қарым-қатынас кезінде скринингтен өту қажеттілігі, скринингтен өту ерекшеліктері, скринингтік бағдарламалардан өту кезінде жоспарлау мен жүргізудегі жіберілуі мүмкін қателер, тәжірибелік нұсқаулықтар мен скринингтік стандарттарды әзірлеу қажеттілігі туралы халықты ақпараттандыру жайында егжей-тегжейлі айтып берді.

Сессияның модераторы, ҚазОРҒЗИ директоры, академик Д.Р. Қайдарова Қазақстанда қатерлі ісік скринингін өткізген 10 жылдан астам тәжірибесімен бөлісті. Қазақстанда ДДҰ миссиясымен IMPACT сарапшыларының көмегімен қазақстандық скринингтік бағдарламаларды халықаралық талаптарға бейімдеу мүмкін болды. Қазір Қазақстанда негізгі локализация бойынша тегін скринингтердің 3 түрі жүргізіледі: сүт безі обыры, жатыр мойыны обыры және колоректальды қатерлі ісік.

Пікірталаста Қазақстандағы паллиативтік көмек Қауымдастығының Төрағасы және «Бірге обырға қарсымыз» Қорының президенті Гүлнара Кунирова, Астана қалалық диспансерінің басшысы, Мадаскар Денсаулық сақтау министрі және басқа да сессия қатысушылары сөз сөйледі.